ღ بحر ღ

سأضع لكم مشهد من مشاهد حياتي ..

مشهد مره مؤلم .. هالمشهد صار وكان عمري وقتها 17 سنة

كنت وقتها بجدة ..بعدين كنت انا وبنت خالتي سهرانين طبعاً كالعادة ..

الساعه 3 الفجر طلعنا الدور الثاني .. فتحنا الشباكـ كان الجو مره حلو لانه كان وقت شتاء ..

المهم طبعاً الشارع فاضي .. قعدنا نسولف ع الشباكـ مافي احد بيشوفنا ..

وقعدين ننكت ونضحكـ ونهرج طبعا سوالف بنات .. المهم شوي نشوف واحد شاب ماشي بالشارع ..

تقدرون تقولن عمره 18 او 19 المهم تحت العشرين .. الواد ماشي يطوح .. يعني دايخ ..

انا وبنت خالتي ساكتين .. قاعدين نطالع وش فيه هذا .. وش يسويه بالهوقت ..

شوي نسمعه يغني .. مدري وش يقول .. المهم جاء واحد من وراه .. وقعد يناديه .. شوي اتهاوشو ..

بس مو مضاربه يعني .. اصلا الاثنين مايعرفون يضاربوا .. كل واحد بيطيح فوق الثاني .. شوي خالي طلع فوق عندنا ..

قال بنات شو تسون .. قلنا تعال شوف ايش فيه هذا ولد الجيران ..

ايه نسيت اخبركم هذا ولد الجيران ابوه ميت قبل لا ينولد يعني ماعمره شاف ابوه .. وامه تزوجت من يوم كان صغير وعاشت بالشرقية ..

يعني وايد بعيد عنه .. والي ربته هي جدته وجده .. بس مانقصو عليه بشي .. والكل يشهد .. بس اكيد كان ناقصه حنان اب وام ..

المهم كانت هذي ضروف الولد .. خلوني اكملكم السالفه .. بعدين خالي قال طيب سكروا الشباك واسكتوا ..

قلنا لا بالله خبرنا شو السالفه .. طبعا انا وبنت خالتي لسه مو فاهمين .. اول مره نشوف هالشي .. طبعا واخر مره شفت هالشي انا ..

شوي خالي قال خلاص سكروا الشباكـ وعصب .. طبعا ماتركنا خالي لين قالنا وش فيه .. اكيد فهمتوا شو السالفه ..

الشاب هذا الي عمره اقل من 20 سنة كان محشش .. تصدقون .. انا وقتها بكيت والله .. وللحين واتذكر المشهد وابكي من القهر علي شبابنا والله ..

ماسكرت الشباكـ قعدت اناظر وابكي .. وقلبي كله يتقطع عليه ..الا شوي طلع بيتهم ..

رحنا انا وبنت خالتي الشباكـ الثاني ..عشان نشوفه وهو بغرفته .. طبعاً دخل الغرفه وجدته الي ربته دخلت عليه ..

وهو والله مو صاحي .. قاعد يغني .. ويضحكـ .. ويغير ملابسه .. وجدته تخاصمه .. وهو ولا على باله ..

الا شوي قام صرخ في وجه جدته وطلعها من الغرفه ..بعدها انا خلاص ماقدرت اشوف شي ..

والله هالمشهد عمري مارح انسيه .. ودايم ادعي لهولد .. الحين ما اعرف شي عنه .. بس اتمنى ربي يكون هداه ..


ادري اني طولت عليكم ..

بس ودي اعيشكم نفس الموقف .. الي انا مو قادره انساه ..

يارب ابعد شبابنا وبناتنا عن كل مكروه ..

يارب اهديهم .. واهديني انا اولهم ..

قولوا آآمين ..







ღ بحر ღ

التوقيع - ღ بحر ღ