مشكور ع الموضوع
عندي مشهد مؤلم جدا
الخبرالصاعق الي جاني وانا بأول ولاده لي ببنت
وهو خبر...مرضها بالقلب..
سوت 3عمليات قصدرة وعملية قلب مفتوح
ما أنسى شكلها بعد العملية وهي بالعناية المركزية ..لمدة عشرة ايام
شكلها يوم يسون لها القدرة بعد العملية ويقررون لها عملية قلب مفتوح ثانية
طبعا توفت بنتي وعمرها سنه وشهرين..بعد العملية..
ما أنسى شكلها قبل وفاتها وهي بالمستشفى متنومة وانا معاها وهي مبسوطة كثير
واتفاجأ باليوم الثاني وهي جسمها أزرق
ما أنسى شكلها يوم اخذوها والدكاترة مجتمعين حوليها ويحاولون يسوون عملية انعاش للقلب
ما أنسى يوم جاتني الممرضة وتقولي خبر وفاتها
ما أنسى يوم جابها ابوها من المستشفى و في خشمها نقطتين دم
ما أنسى يوم اخذوها من عندي عشان يغسلونها ويكفننونها
ما أنسى يوم شفتها بعد الغسيل جبينها بارد والبنت رايح لونها ابيض وجسمها زي القطن وريحتها حلوة
ما أنسى يوم ابوها اخذها عشان يدفنها وانا ميته من البكاء
مابعد فارقت المهد حتى ضمها لحد
أول كلمه قالتها ماما وأخر ماقالت ماما
نقطتين دم وكفن ابيض
وابتسامه عريضه وجبين بارد هو آخر ماودعتبه أرياف الدنيا.
ياربيع العمر ياريف وشلون صار العمر بعدك خريف.
مشتاقلك كثر فرحي بميلادك مشتاقلك كثر ماهل دمعي لفراقك.ياريف.
ياريف أنا جيك ياريف اشوفك واسمعك واحس فيك
اشوف وجهك مرسوم عالقمر
ويبللني دمعك لا نزل مع المطر
اشوفك تنامين على الغمام .وتسرحين مع الحمام .
آه ياحر فرقاك ياريف يوجع قلب رهيف وعزائي الوحيد
انك الشفيع عند الحليم اللطيف...........
إنا لله وإنا اليه راجعون..