السلام عليكم ورحمة الله تعالى وبركاته

صباحكم / مساءكم معطر بشذى الياسمين الشامي :)

أول شي بحب أهدي هالحلا للحلوة ثلوج دافئة .. (جائزة زي ما وعدتها)

طبعاً وأكيد هلا الامل ونبض الغلا وأميرة الورد وكل النواعم

معزومين بدون استثناء وخصوصاً اللي بشرفوني بالموضوع والردود

عارفة انو وعدتكم بورق عنب ... ... بس يلا المرة الجاي ان شا الله

نبدا مع سوا خطوة بخطوة أول شي بتجيبي مقدار كيس واحد خبز توست وبتشيلي الأطراف

وبتفرميه ناعم يعني يكون مطحون وبعدين حطي عليه 3 أرباع كاسة زيت ذرة

وحركيهم مع سوا لما يسير التوست والزيت متجانسين .. زي الصورة تحت



لو حبيتي تكون الطبقات سميكة خلي كل الكمية بصينية وحدة أنا بفضل

تجيبي صينيتين مدورين وحدة زي الصورة ووحدة أصغر منها

بعدين وزعي كمية التوست على الصينيتين واضغطي عليهم بقوة يعني رصيهم منتيح

هادي الخطوة مهمة عشان لما تحطي الصبقة التانية ما تخرب الأولى ... شوفي كيف



بعدين حطي طبقة خفيفة من الجبنة المبشورة .. جبنة مازوريلا أو أي جبنة بتعجبك للحلويات

هلأ دور الطبقة التانية ومقاديرها كالتالي :

من 7 إلى 8 كاسات حليب سائل / كاسة ونص سميد / كاسة سكر / علبتين قشطة /
نص معلقة مستكة << بتطحنيها مع شوية سكر من الكمية المذكورة

بعدين حطي جميع المقادير على النار ما عدا المستكة المطحونة وخليهم لما يغلو

ويصير شبه متماسك وآخر شي حطي المستكة وحركيهم بتعطي طعم ونكهة كتير طيبة

بعدين صبيها وهي سخنة على الطبقة الأولى اللي هي طبقة التوست

كوني حريصة بهالخطوة ووزعيها برفق ورقتك الناعمة زي الصورة



وأخيراً بتحطيها بالفرن لمدة نص ساعة أو ساعة الا ربع لما الأ طراف تتحمر .. شوفي الصورة



بعد هيك اقلبيها بأي شي بعجبك للتقديم وحطي عليها قطر – شيرا - أو عسل .. زي ما بتحبي

شوفي معي الشكل النهائي ... أنا صورت الصينية الأصغر لأنو جهزت أول :)



يقدم مع قهوة .. شاي زي ما بتحبو

وبهالنا والشفا على قلوبكم .. .. ومطرح ما يسري يمري