العصبيه القبليه اللي نبذها الاسلام حنا احيناها - نواعم - بنات - عالم حواء - جمال - ازياء - مكياج - طبخ

ناعمه بقوة · 08-02-2008, 04:40 PM

السلاام عليكم ورحمه الله وبركاااته

العصبيه القبليه موضوع يمكن يكون قديم بس بصراحه يستحق الطرح

لانه هالاياااام طالعه بزياااده

اذا رحتى مكاان قبل السلاااام تلاقين بعيونهم سؤال واحد مدوخهم

ودهم يسألونه انتي من وين ؟؟؟؟

عاد اللي تبي تستعبط ترد عليهم من السعوديه

لكن يرجعون ويشبهون وباسلوب انه يعني تراك تشبهين وحده عنزيه

ولا وحده عتيبيه ولا حربيه ولا ولا ولا

الا هي تقرب لك ؟؟؟ <<<< سؤال ابد ما وراه شي

عشاان تقولين ايه بنت عمي ولا تقرب لي ولا من جمااعتنااااا

وبذالك يوصلون لمرادهم

ولا اللي طايحين فيه هذي من جماعتنااا نعطيها وجه وهذي لا من القبيله الفلانيه وحنا وهم مانتوالف

مشكله دفنت وللاسف هاهيه ترجع وبقوة

فلان مايتزوج من بناات خاله ليه لانهم مو من مواخيذنااا

ولا فلانه لبنت عمهااا غيره لا المشكله ولد عمها شوي الاهو متزوج

من اللي يبي ومخليهااا

كثير من المشااكل اللي اسمع فيهاااا سببها العصبيه ليه

كلنا بنات واولاد ادم وحواء كلنا من التراب والي التراب

((ولا فرق بين عربي ولا اعجمي الا بالتقوى ))

والله مشااكل مالها اول ولا اخر عشاان ايش قبيلتنا وقبيلتهم

اللي توهم يفكرون بعد ماتزوجت اختهم وجابت اعيااال فكروا انه الرجاال
مايصلح لختهم ليه لاسبااااب ماااالهااا داعي

ولا اللي يحااول ويبحث ويدور وش اصل هذا الرجاال ليه عشاان يشوف اذا ياخذ البنت الفلانيه ولا طب انت وش دخلك لا البنت بنت ولا الولد ولدك
لا ماايصير لازم يدق على اهل البنت ويحذرهم الرجاااال مو منهم

الاسلااااااااااااااااام اللي هو الاسلام نبذ العصبيه وحذر منهااا

وحنا ابنائهااا احيناهااااا للاسف

اعوذ بالله من غضب الله

وبنهااايه حديثي عن العصبيه ترى اقولكم لا تلموني لانه اللي شفته

من التخلف يخلي الاخرس يتكلم

ناس متعلمه وهذا تفكيره معلمات ربات اجيااال والله يعين الاجيال

:gimpossibl e:

عمري ماحسيت انه فيه عندنا هالعصبيه بجد الا هالحين وكنت افكر ماعندنا هناا بالشرقيه هالتخلف بس للاسف عندنا وكثير بعد
بس توني اشوفه لانه بصرااحه كل يوم يزيد

وما اتمنى الا انه اللي يهديناااا الي الصراط المستقيم

اختكم الامورة ناااعمه بقوة

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( النواعم 0 والزوار 1)