السلام عليكم ورحمه الله وبركاته


قصيدة اعمى وابي كل البشر يتبعوني! للشاعر سعد بن مسهوج






رغم الظلام اللـي يطـوّق عيونـي
ما كنت اخاف اطيح وان طحت باقوم
احيان احسّ ان البشـر يحسدونـي
واحيان احسّ انهم يقولون محـروم!
احيان اجرّح من دموعـي جفونـي
واحيان احسّ اني من الدمع معصوم
ولـو تمتمـوا حسيتهـم يقصدونـي
وان جاهرو كنّي من الناس مرجـوم
في داخلي حلـم المـلا يبصرونـي
اتعب ولاني بالتعب يـوم مرغـوم
اشتاق اشوف الناس والناس دونـي
وانا البعيد اللي مع النـاس ملمـوم
في غربتي .. حلمي تثاقـل متونـي
في غربتي.. محدن اقاسمه الاهمـوم
في غربتي لو مالبشـر يوصفونـي
توقّض الحيرة حياتـي مـن النـوم
في غربتي ما اقول كلهـم نسونـي
لكن قليل اللـي طرونـي لهاليـوم
ولا غرّد العصفور نبـرة شجونـي
والارض تنطق لا تعثرت محشـوم
اتلمّس اشيائـي احـسّ افقدونـي 1
واعطف على الحايط ولو كان مهدوم
من غيرهم لامن حكيـت اسمعونـي
من غيرهم في ظلمت الوقت معزوم
والا البشر مـا عمرهـم بشرونـي
قوم ن تخالف وجهة الديـن والقـوم
حتى السلام احيان يخلـف ظنونـي
لاجيت اسلّـم كنّـي اقـول مغمـوم
اعمى.. وابي كل البشـر يتبعونـي
ولاحدن على غيره من الناس ملزوم
امشي كذا .. لوكانهـم يفهمونـي 2
ما قالوا اني غيـر واثـق وزيـزوم
اتعمد الطيحه ..واقـول امسكونـي
عشان اقول:الحمد والشكـر لـه دوم


((اللهم لك الحمد على نعمة البصر والحمدلله الذي فضلني على غيري ..اللهم لك الحمد لما ينبغي لجلال وجهك وعظمة سلطانك ..))

....مشكــــــــــــــــــووره ..... ويعطيك العافيه.....

[

اتعمد الطيحه ..واقـول امسكونـي
عشان اقول:الحمد والشكـر لـه دوم

الله يعوض كل اللي انحرموا من نعمة البصر في جنات النعيم ويوفقهم ويسعدهم بحياتهم

البصر نعمة عظيمه الحمدلله رب العالمين والله يديمها علينا

يسلمووووووووو بنت الخال لا عدمناك ننتظر جديدك

يسلمليــــــــــ

قلبكــــــــــــ

يا قلبيـــــــــــــ

صــح لســاانــه .. وتســلم يميــنــج ع النقــل المميــز ..

واللــه الحمـدالـلــــه ع نعمــة البصــر واللــه يعوض من فقدهــاا ..

تحيــاااتــي

يسلمكـــ

ربيــــ

ياقلبوووو