((((يالليل قلي بدنيتـي ويـش سويـت ))))
يالليل قلي بدنيتـي ويـش سويـت ؟؟
يالليل ماذكر فـي حياتـي تمنيـت
مثل ابتسامه تنتشل قلـب منصـاب
مليت ورب البيـت يالليـل مليـت
من الجروح اللى تجيني بلا اسبـاب
تدري يالليل انا على الجرح غنيت
غنيت دمعه والصدى ضم الاهـداب
تبي الحقيقـه والصراحـه ترجيـت
فرحه ولكن الزمن بالعطـا خـاب
يالليل قلي بدنيتـي ويـش سويـت
حتى الهموم بداخلي تفتـح ابـواب
إن كان طيبي عيب ومشكلتي اوفيت
اموت صادق وارفض اعيش كـذاب
طبعي كذا عـن ميزتـي ماتخليـت
عندي مبادي دونها ترخص ارقـاب
بينـي وبينـك ياكثـر ماتعنـيـت
اركض بغرفه مغلقه مالهـا بـاب
غرفه وراها فرحتي دونهـا جيـت
اركانها عتمه ولا حولـي احبـاب
كاس الفراق المـر منـه تقهويـت
انا اشهد إن الشوق يالليـل غـلاب
يالليل انا لاشفـت ماعفـت قفيـت
اقفي ولو خلفي كثيرين الاصحـاب
الا جروحي كـل مارحـت وقفيـت
جتني تحمل صدتـي لـوم وعتـاب
ماذكر ولو مـره بحياتـي تهنيـت
اضحك كذا والصدق عن شفتي غاب
صارت دموعي ضيف وعيوني البيت
دايم تشوف من المناديل ترحـاب
لاشفت شمس الصبح ليديك حنيـت
في داخلك حبر القلـم بالشقـى ذاب
يالليـل قـل لصبـح انـي تمنيـت
بس ابتسامه تنتشل قلـب منصـاب
وسلامتكم
الإهداءات
07-09-2007, 03:35 AM
((((يالليل قلي بدنيتـي ويـش سويـت ))))
العرض العادي
