السلام عليكم ورحمة الله وبركاته


اليكم قصه طفله بريئه عمرها 3 سنين فقط اختطفت من بيت اهلها بالمجمعه بالمملكه العربيه السعوديه وبحثت السلطات السعوديه عنها لكنهاا الى الان لم يعرف عنها اي خبر ورصد الامير نايف بن عبدالعزيز مكافاه ماليه كبيره لمن يجدهاااا والدهاا يقول::اتمنى رؤيتها ولو ميته..............


طلبتكم طلب يالغاليين ...

لا تحرموها من دعواتكم ...

اللهم ارجعها لاهلها سالمه ياااااااااااااااااااااااارب ياااااااااااااارب

قولوا آمييييييييييييييييين

اليكم القصيده

طفلٍ ثـلاث اسنيـن عمـره ولا زاد
جاه القدر والموت للنفـس مكتـوب
بين الجبال اللـي لهـا الذيـب رواد
تايه ولا عنده من الـزاد مقضـوب
يمسح ادموعه ما عن الدمـع نشـاد
يصيح يرجع له صدى الصوت مقلوب
يمه يبه يا قوم يـا صـم الأوتـاااد
اشلون انا ماني من الناس محسـوب
الموت يرصد خطوتي درب الأجـداد
والصبر ما اعرفه وانا اليوم مرعوب
يمه علامك ما سعيتـي مـع الجـاد
خليتنـي يمـه وحيـدٍ ومسـلـوب
هاذي ثلاث ايـام والعيـش بإجهـاد
يمه حنانـك فاقـده صـار مجلـوب
الموت مـد إيديـه والمـوت صـداد
وقفت حاير والقهـر لا بسـه ثـوب
هذا السان الحـال والحـال بسهـاد
سم الفراق اضنى العقل صار مشهوب
يا بوي ما تسمع صدى الصوت رداد
يا بوي ضعت ولا على قلبي اذنـوب
يا بوي ما كنت احسب الروح تنصاد
تركتني ما اتعبـت للبحـث مركـوب
نمت وشبع جسمك من النوم لا عـاد
وانا شريد وبين الأوهـام محطـوب
يا بوي طالع صورتي وقت الأعيـاد
وش تنفعك صوره بلا جسم مرغوب
يا ربعي اللي تفتخر وقـت الأمجـاد
ما فيكم اللي ينشـد الطيـر ويلـوب
مافيكم اللي خـاف فلـذات الأكبـاد
وين الشهامه وين ما شفت منـدوب
أول ليال الحـزن أنـا كنـت شـداد
اروح وارجع والتفت شرق واغروب
بين المتاهه بيـن هاذيـك الأشهـاد
ابكي واجر من التناهيـت منكـووب
يمـه وذاك الليـل بالقلـب قــداد
ناديت يمه مـا سمعتـي ولا نـوب
يمه وصوتي تسمعـه كـل الأحيـاد
يمه وشفت اشراقة الشمس في كوب
يمه مشيت وشوكت الرجـل تـزداد
وحر الحصى في كبد رجلي له اثقوب
وثاني ليال الخـوف تـزداد الأحقـاد
يمه واشوف الموت والموت مطلـوب
يمه ذكرتك يوم انـا وسـط الأمهـاد
وذاك الحليب اللي من الروح محلوب
ذكرت ابوي ولعـب عمـي والأولاد
وذكرت بيت العز وجدارنـا الطـوب
تعبت والله وانكـوى القلـب وانقـاد
خلاص غابت شمس طفلٍ ومكـروب
تعبت اجر اخطاي فـي كـل ميـراد
عطشان ادور من ثرى القاع مشروب
وثالث ليال الذل جـا المـوت صيـاد
وسلمت روحي منكسر حال مصيـوب
لو شفتني يا بوي ذواي كما الصـاد
روحي ينازعها من المـوت جـاذوب
ودعت دنياكم احسابـي مـن البـاد
بس اذكروني للشقاء الذكر مصحوب
هاذي اثيابي لا طفى جمـر الأنكـاد
رشوا عليها الطيب والسدر مخضوب

قصيده لاحد الشعراء بالمملكه العربيه السعوديه

الله يسعدكم يالأعضاء
.. ادعوا لها ... ادعوااا لهاا ...

.
.
.
منقوووووووووووول