قالت تضيق أن غبت بالحيل قلت أيه
أكره حياتي كلها في غيابك
وشلون وأنتي قلب (.....) ملكتيه
أكيد نبضه يختلف في ذهابك
قالت صحيح..؟وقلت ياغايتي ليه
ماتعرفين أني أموت بجنابك
أعشق وصالك وأكره الهجر طاريه
وأعيش لحظات الغلا في رحابك
والليل في ذكراك تطرب مساريه
ويشوقني بالحب لحظة عتابك
والقلب لو بيدك جرحتيه منّيه
ما قول غيرإلا هلا مرحبا بك
القلب وعيوني وروحي وراعيه
كلهن رصيد مسجّل في حسابك
يفداك من تمشي على الأرض رجليه
ويفداك من ذاق الغلا واعتزى بك
قالت حبيبي,,وقلت لبّيه لبّيه
لبّا الخدود اللي زهت في شبابك
قالت أحبك والغلا شف مواريه
وسط العيون السود يشكي عذابك
أنت الحبيب وباقي الناس ما بيه
أموت في لاماك وأعشق أترابك
الحب في عيونك غرقت بموانيه
والشوق وقّف بي على حد بابك
ولو تلحق الشرهه حبيبي مشاريه
مابيع حبّك دام قلبي رضى بك
ميرالدلع مابين غالي وغاليه
أنا أدرى أنه مايزعّل جنابك
قلت الدلع والزين عندك مباديه
والعشق يحيا لأرتوى من سحابك
يااللي ورود الحب فيني زرعتيه
وأنا كتبت الشوق داخل كتابك
لين الغلا من نهر حبي سقيتيه
وأحيى بساتين الغلا وأرتوى بك
يافرحة الحاضر بنكهات ماضيه
أكره حياتي كلها في غيابك



منقووول

روووعه يعطيك العافيه يالغلا
الله لا يحرمنا منك ولا من جديدك
تقبلي مروري

يعطيكم العافيه على المرور وهذي شهـــــــــــــــــــــــــــــاده اعتز فيها

يسلمووووووووووو خيتووووووووووووووووو