صبـــاح / مسـاء الــورد
نعـومات اضع بين ايديكن اليوم ...
قصيـــدة من أروع ماقــرات ...
ومهما قراتها لا امل منهـــا ...
مشاهـدهـ طيبــهـ : )
قولوا للثريـــــا من تناجي لو خذلها سهيــــــل؟!
على ذاك الرصيف..
أسهر و أنادي بكل الجنون القار
أكلم شارع خالي
سواده من سواد الليل،،
ترى ماهو فلس
ولا بقلبي قلت الأشعار
ولكن واقعي يفرض علي أكتب
بلا تعديل،،،
أنا راح العقل مني
وعندي للجنون أعذار...
معاناتي إذا بوصف يفوق الوصف والتعليل،،
من اللي قد وقف مثلي
يواجه لعنة الأقدار
رضى يبقى ويتحمل.. عشر أضعاف همه يشيل..
من اللي ثبت أقدامه يقاوم
شدة التيار
ويعرف إن النخل وهو النخل
راح وجرفه السيل!
من اللي <حب> له <طفله> وحلم
من يوم كانوا صغار..
يتوج حبه بفرحه
وأمه تحضنه بتهليل...
يمر الوقت وسنينه تمر
ويستوون كبار
ويتغرب لجل حلمه يسابق كل شباب الجيل،،
ويرجع رافع راسه
بعد ماصار هو <طيار>
وبقى من حلمه الوردي زفاف يرفض التأجيل..
يجيها يقول حان الوقت تعالي نكشف الأسرار!
طفح كيل الصبر ماعاد في صبري وصبرك كيل
ويذكرها بوقت
صار مع مر الزمن تذكار
بأيام <الطفوله>
يوم يغرقها <غلا> وتدليل...
يمازحها وتردد له
¤(ترى الكذاب يروح النار)¤
يجافيها وتهمس له
¤(أعرف أن الجفا تمثيل)¤
وتدمع عينهم
لثنين يهلون الدمع مدرار
ترى <<الذكرى>>
ولو حلوه طواريها تهد الحيل!
وتسرح في وسط عينه..
تفكر... ترتجف... تحتار...
يسألها عسى ماشر؟!
[ويطيح من يديها المنديل]
وتنزل على الركب وتقول:
سامحني على اللي صار
<<حشا والله ماخنتك>> ولكنه..
حصل تبديل
تراها غيبتك طالت وتدري
وقتنا غدار،..
كبرت وخفت تتأخر وخير البر بالتعجيل!
ويشهق يلمح <الخاتم>
يحس القاع تحته دار
ولايستوعب الموقف بليا شرح
أو تحليل
يسود الصمت...
ولاكلمه ونظره كلها إستنكار
شلل صاب اللسان وصاب كفين العتب تكبيل
دقيقه تمر..طعمها مر..
نهاية عمر،.. موت أزهار...
خسارة حب.. ضياع فدرب..نار تشب..
عذاب وويل..
ويسرح،،،
لوبعيده تهون ولكن كيف بنت الجار
ويكسر صمته بصرخه
تعدت في مداها سهيل!
ويفقد وعيه
وينزل على قاع الثرى منهار
مصيبه كيف يتحمل؟!
ترى مابالأمر تسهيل
مابينه وبين غرفتها..
غير ممر ونخله وجدار..
وهذا اللي يعذبه ويزود طينه تبليل
يشوف اللي سرق عمره سكن
وياها نفس الدار
غدى جار
وله حق نزل في محكم التنزيل
يناظر دارها وفكره ورى ذيك الستاير حار
وشباك الهوى عتمه بعد مازادوا التظليل،
يقرر زوجها يبني ويرفع مستوى الأسوار
ويتصرف على كيفه،..
عنده منهم توكيل
ومكسور الجناح اللي بلا ذنب يذوق أمرار
يصارع حسرته ويجر بعد ذيك الهزيمه ذيل
يفكر كيف طاوعها (الضمير)
تكون شيء ضار!
بعد ماكانت لعمره عمر
يحسب مداه طويل
خذت مابقى منه ومن عقله..
خذت الأفكار
وبرواز الوعد مايل خذته..
تخاف قال وقيل!
عطت بروازه لغيره
[وخلت في الحشا مسمار]
وآخر كلمه قالتها:
رجاء ماأبيك تعيل!
ورد بكل غضب يسأل:
تحسبيني من أهل الثار؟؟!
أنا وقتي غدى ملكي ولايتحمل التعطيل
وداع الله وإذا بعدك مرض
إيماني العطار
أنا <لي رب مايهمل> بقرا كتابه بترتيل..
وإذا كانت مسافات المنازل
بيننا أشبار
لخليها سفر أيام
وأساوي كل شبر بميل،
وإذا قالوا علي <مجنون>
أو <ملبوس> أو <صابه زار>
لناجي شارع خالي لوحده
في توالي الليل!
بقول: إن الجنون أرحم
كتبت من <الجنون> أشعار
وصدق شعري..
يتحدى الذي قال <الشعر تمثيل>!
وأعيش العمر أرددها
((ترى الكذاب يروح النار))
<براءه> كانت الجمله ولكنه
حصل تبديل
<حكاية عمري> من يوم <الطفوله> لين صرنا كبار
في هذي الصفحه شفتوها وعايشتوها بالتفصيل
أبي شخص ينورني.. ومن أبياتي بس يختار
حرف ماشكى من <<هم>>
ويبشر مني بتعديل
بعدها بعلن إفلاسي وبترك عالم الأشعار
لأني ماقدرت أعطي لحزني
في الشعر تعليل
وبرجع للسرير اللي من غيابي
شكى محتار
وأريح عين شوهها سواد
يشبه التكحيل
وفي آخر بيت بسألكم..
<عرفتوا ليش أناجي القار>؟!
وقولوا (للثريا)
من تناجي لو خذلها سهيل؟!!
وسلاااااااامتكم ...
ودي ...
//
//
//
بـــروااز
الإهداءات
13-05-2008, 03:21 AM
قولوا للثريـــــا من تناجي لو خذلها سهيــــــل؟! من أروع مـاقــرأت : )
رد: قولوا للثريـــــا من تناجي لو خذلها سهيــــــل؟! من أروع مـاقــرأت : )
