كفايه
ينادي بالخطأ نوره وأنا ادري فيه يعشقها
واسوي نفسي ما اسمع وأقول المُغني حضوره
ويحلف لي على المصحف بأن الصوره شققها
وأنا شفته بجيب البوك هناك يخبي الصوره
من الماضي رسايلها الين اليوم ما احرقها
هداياها/دفاترها/عطرها/ذكرى ممطوره
انا اسأل نفسي بنفسي يحبها..ليه طلقها؟؟
يخليني فبابه ليه وهيه تسكن قصوره
كفايه كل ماينطق باسمي راح ينطقها
كفايه كل ما نادى بـ:اسمها جيت مكسوره
كفايه من العمر اجمل سنين صار يسرقها
كفايه جالس ابجنبي خيال بـ دنيا محظوره
تحبه روحي بقوه واشوف انه يغرقها
الا مني صرخت اليوم انا يانفس معذوره
يغربني عن الدنيا وهمه دوم مشرقها
وانا اللي بالغرام افخر واشوفن فيه مغروره
اخاف ان صدت وراحت يموت ان غاب بارقها
واخاف ان ظلت بدنياه اعيش العمر مقهوره
كفايه يوم جبت البنت وقالو:روح وثقها
حلفت ان كان لي خاطر يسمي اسمها نــــــوره
للشاعره فاطمه المشيقح
اشرايك في فاطمه ولو كنتي مكانها وش تسووووووين؟؟؟؟
الإهداءات
06-02-2007, 11:14 AM
العرض العادي
