كتبت الشعـر وأحبـاري بحـور الأرض والأنهـار
وجـف اليـم وبصـدري بيـوت الشعـر مكتومـه

ملكت الشمس فـي كفـي ونجـم الليـل والأقمـار
وسقيت الحبر من شعري حقايـق وألـف معلومـة

زرعت أرض الفكر معنى وعشت النثـر والأشعـار
حدايـق فكـري بـورد المعانـي حيـل مزحومـه

أحـس ان القلـم يثمـل وأحـس ان الـورق دوّار
اذا فاح الحكـي مـن خاطـري وانـدار يشمومـه

وأشوف ان الحروف تسابق المعنى علـى الاحبـار
تراصف كأنها عقدين (عجز) و (صـدر) منظومـة

وأعانـد فكـرة العاقـل وأطيـر بفكـرة الجـبـار
وأسيطر عـالشعـر وأصيـر لـه قيفانـه وقومـه

وأصير أنـا القصيـدة والمعانـي تنحسـب تكـرار
وأجددهـا بفكـر آخـر وأغلّـي البيـع والسومـة

وأهدي سرعة الميدان وأحصـي الشعـر والشعـار
وأعددهـم علـى كيفـي علـى العـداد ورقـومـه

ملـل اسفـاف تقليـد وغبـاء وعجعجـه وغبـار
كلام ارتص ّ فـي مبنـاه كومـة مـن ورا كومـة

غزالـي الجافلـة ملّـت وانـا مليـت ياشـطـار
تبـي منطـق جديـد يغـازل الاحسـاس بنعومـه

تبي وصفي مميز عمر مثله مـا استـوى أو صـار
تبي تمثـال مـن شعـري تبـي أهـرام مدعومـة

تبيني لا ذكرت عيونهـا الحـور انتشـي واحتـار
وأعيد البحث في شعري وأهـده وامسـح رسومـه

وأنا لاجل العيون السود فـي بحـر الهـوى بحـار
أجيـب الـدر واللولـو وأجيـب البحـر وقرومـه

أنا يا روح احساسي .. عشانك في الهـوى صبـار
وباصبر لين حتى الصبر يشهـد لـي وانـا ألومـه

أباضوي الليل من حبي وباطفي الشمس عن الاسرار
وأضم الورد في حضني وأصير أشواك فـي نومـه

وأسيّل فـي شرايينـي حـروف الحـب والتذكـار
يمـر فـوادي وينقـش هـواك بدفتـر همـومـه

وبأعلن عشقي لروحـك وأذيـع بنشـرة الأخبـار
أحـب الحـب لعيونـك وأحـب الظلـم وسلومـه

,,, وسلامتكــــــــــم ,,,

يسلموووووووووووووووو حبيبتي حلوة

الحلووووووووو مرورك هلا