وتاليها مع قلبك..؟!
انا ناقص وجع وجدان!!!
دخيلك فضي السيرة...تعبت انزف معاناتي...
تعالي ننهي الماضي..
ويكفينا نكون اخوان..
ابطوي صفحة العاشق...واعيد احسب حساباتي...
انا المذنب,,
وانا المخطي,,
وانا الآسف,,
وانا الغلطان,,
(وليتك يالزمن ترجع..واكفر عن خطيئاتي)
وانا الجاني,,
وانا المجرم,,
وانا الغادر,,
وانا الخوان..
(وانا اكبر "غبي" شافك حديقة في مساحاتي)..
ما عاد اقوى على الظلمة ولا اقدر على الكتمان..
احس انك خنقتيني..وجت ساعة نهاياتي..
ياوجه الله ياوجه الله...ياوجه الله بشر!! انسان!!
على بالك حجر جامد؟؟!.
اجل وش هي كتاباتي؟!..
نسيتي ساعة اللقيا؟
نسيتي لمة الاحضان!
نسيتي وشكثر كنتي..تموتي في لقاءاتي..!
نسيتي دفتر اشعاري؟
نسيتي اعذب القيفان!
نسيتي كل قلم يكتب..قصايد من عذاباتي..!
نسيتي من رفع قدرك..وخلى لك مكان وشان..!
وعزيتك وعليتك.. على كل الاميراتي..!
نسيتي من عجف شعرك جدايل كلها شرطان..!
وزينتك وبخرتك وقلت امرك يا "مولاتي"!
تغيرتي ولا عدتي..مثل اول زهر عطشان..
وحناني للاسف كنه..بقايا من خرافاتي..
تكبرتي..نجبرتي..وصارت شوفتك سلطان..
وانا "اهبل" على النية ماغير ارسل جواباتي..
اقول بخاطري يمكن..تغير عندها العنوان..
ياشيخ اسكت متى تفهم.صحيح اني وهم ذاتي..
حسبتك مني وفيني..واهمك لو اجي فرحان..
ولكن شفتك بعيني.. ((تصدين ابتساماتي))..
حسبتك تفتحي قلبك..اذا كان الغلا زعلان..
ولكن ماكذب خدي وهو يشهد بكاءاتي..
طلبتك<زيدي الطعنة>..ابي اشعر بنوباتي..
وعلى شاني اذا باقي..بداخل حضرتك ايمان..
ابيها <من ورى ظهري>.. وانا اتلو صلاواتي..
بعد كل العمر هذا..عرفت اني انا الكسلان..
حساااااااافة..! جتني متاخر مراحل اكتشافاتي..
فمان الله..فمان الله..فمان الله انا ذبلاااااااااااان..
يكفيني اذكر ((اسم الله)) واجنب عن تفاهاتي...
الإهداءات
07-09-2007, 06:04 PM
رد: تاليها مع قلبكـ
العرض العادي
