الشوق ياخذني لحضرة
جنابك
والدمع طاح
ولا لقى له مناديل
خذني معك لو
صفحة في كتابك
أو ضمني وسط العيون
المظاليل..
تدري وش الي هزني
في غيابك..
انك بعيد وماتجيك
المراسيل..!
.:.:.:.
لاصار خلك مستحق المسبة
سبه ترا العشاق غيرك يسبون
لابوه لابو الحب من قلب حبه
لابو الغرام الي يحدك على الهون
يالعنبو قلب غشيم يحبه
ملـعون والقلب الي مغليه ملـعون
والراس محدن يقطعه غير ربه
أقولك عز النفس ماقولك هون.
.:.:.:.
وين أنت ياصوت جعل كل الأصوات..
عقبه على نفسي ثقيل صداهـــــــــا..
رغم الظروف القاسيه والمسافات..
أرجيك لين الشمس يظهر سناهــــا..
معاك أقضي الساعات بحساب لحظات..
ومع غيرك اللحظات تثقل خطاهــــــا..!!
.:.:.:.
في غيبتك تساقطت خضر الأوراق,,,
ماقاومت غيبتك شجرة عنادي,,,ماكل من سافر
له العين تشتاق,,,ولا كل من عوّد له القلب شادي,,,
إلا أنت في الحالين محرقني إحراق,,, إن غبت زاد
الشوق وإن جيت زادي,,,,
.:.:.:.
أنا لا قلت لي شلونك وأنا ضايق
أقول "بخير" مدامك سائل عني
أكيد إن ضيقتي (رااااحت)
أنا من كثر ما حبك أشوفك في
عيوني "غير"
تضيق النفس من غيرك ولامن
شفتك (ارتااااحت)
.:.:.:.
لبيه
لبيه يامنادي
على البعد لبيه
لبيه لو بيني
وبينك صواديف...
اغليك ياغالي ومن
غيرك اغليه
وامشي على دربك
ولو فيه تكليف...
الحب مايقدر على
البعد راعيه
والوصل طب
القلوب الملاهيف...
.:.:.:.
لو قلت احطك في عيوني واخبيك
اخاف تحجب النور عن باقي الناس
وان قلت احطك فوق راسي واراعيك
اقول برد وشمس والزين حساس
احترت انا من زود مااغليك
يانور عيني وذهبها والألماس
.:.:.:.
كان المسافه ترفض اني اشوفك
خلي اتصالك غصب عنها يجيني
وكان اتصالك تمنعه ظروفك,,,
يكفي رسايل شوق بينك وبيني
وان كان مالي حظ بحروفك,,,
خلك بعيد ومسكنك وسط عيني
الإهداءات
09-04-2006, 08:36 AM
