الفرق بين اطفال الأجانب وأطفالنا ......... - نواعم - بنات - عالم حواء - جمال - ازياء - مكياج - طبخ

**لمعة الماس** · 29-08-2007, 01:28 AM

السلام عليكم ورحمة الله

مساء الخير

انا عارفه بتقولوا مو كلنا كدا بس في بعضنا

اطفال الأجانب

في الصباح حيث يبداء يوم اطفال الاجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليx

ابو ديك وبيضه وحده بس!! وكاس عصير وشويت زبده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه

ورعانا المحترمين

ورعانا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم جعلك الهزل

الأم:قم جعلك الجدري الأخ: والله اذا ما تقوم لافقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه

بعد ما يقوم يمر الحمام على السريع ويغسل وجه

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب

يبدأ الورع بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده وشوي الا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك

سعيدان كف صدقي

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه

أطفال الناس الاجانب

- بعد المدرسه يرجع اطفال الاجانب ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.

ورعاااانا المحترمين

اما الورع منهم يجي من المدرسه وثوبه قالب لونه بني< تقول جدار مدرسه >>

ولا دخل البيت رمى الشنطه بالصاله وفصخ ثوبه

ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف كبسة لحم

غيره ما فيه!! يتغدى الورع الكريم ويصــــــــــــــــــك بعدها لتر لبن

بعدها يجلس ساعه فاتح فمه

يحتري من يوديه يغسل له يديه!!!!!!!!!؟؟؟؟؟؟؟

أطفال الناس الاجانب

- اطفال الاجانب لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني الى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف

ورعاااانا المحترمين

يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته < وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>

أطفال الناس االاجانب

- أطفال الاجانب بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه وتطفي النور.

ورعاااانا المحترمين

لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>

وخبز ويرجع لووووووووووكره

ويقفل باب الصندقه > ويتعشى من ذا الجبن والخبز

اللين يدوخ > لا وأزيدكم من الشعر بيت ما ينام

الا وهو متلطم!!!؟؟؟ < على باله مراقب >>

شفتو الفرق

منقووووووووووول

كيفي هلاليه · 29-08-2007, 02:29 AM

ههههههههههههههههههههههه

والله فرق السماء عن الارض

بس عيالنا مو لهدرجه محترمين شوي هههههه

يسلموو على الموضوع

[Smart Girl] · 29-08-2007, 03:39 AM

كاتـب الموضوع غلطــان ..
يمكــن يكون الاجانب راقين ، وعيالنا متخلفين في نظره هو ..
أمـا في نظرنا إحنا ..لا !

عيال الأجــانب مو لهـالدرجــة مــؤدبين وراقيـــن ..
وكــل التطور عندهــمـ .. !! وشي عجيـب!
تراهــم ناس عادييـــن ..خلق ..بشر مثلنا !!

و حاط عيــالنا احنــا متخلفيــن ..!!
ومــا يعرفــون شي .. ولا يعرفون الأدب،
و قذرين ..!!
بالــعكس عيالنا غيـر ..
يمكن يكون في نــاس كذا بس قلييل..

.....

شكــرا لك أخــــتي على المــوضوع ..
ننتــظر المزيد من إبداعــاتك ^_^

شموخ · 29-08-2007, 08:52 AM

ههههههههههههههههههههه

يسلمووو

AnGel FrOm HelL · 29-08-2007, 05:12 PM

لووووووووووووووووووووووووووووووووووووووووووول يسلموووو على الموضووع ...:sm114:

وتر القلوب · 29-08-2007, 11:27 PM

هههههههه

انا مع سمارت مب لهالدرجه عاد لان مافي احلى مننا ومن عيالنا

الاطفال الاجانب اشقياء للدرجعه فضيعه يعني شقاوة عيالنا عندهم ولا شي

والموضوع مكرر لانه موجود بالفرفشه و السوالف تحت عنوان الفرق بين اطفال الناس الهاي هاي وورعانا المحترمينوالموضوع نكته مب جد لموعه حبيبتي لانه ماشفنا كذا الا بمناحي ههههه

يسلموووو ياعسل ننتظر جديدك

**لمعة الماس** · 31-08-2007, 06:34 PM

كيفي هلاليه..............

على تواجدك في موضوعي..........
.................................................. .................................................. ..............................

(Smart Girl)............

.................................................. .................................................. ............................
شموخ...............

.................................................. .................................................. .............................
AnGel FrOm HelL...................

.................................................. .................................................. ..............................
وتر القلوب.............

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( النواعم 0 والزوار 1)

الإهداءات
إضافة إهداء