السلام عليكم ورحمة الله وبركاته ..
اخباركم نواعم ان شاالله .. تمام ..!؟
ياحلو ايام الابتدائي ..
المهم ندخل بالموضوع .. على طوووووول
* قبل الدراسه بكم يوم وبداية التجهيز لاغراض المدرسه
في محل الشنط
البنت :ماما انا ابي شنطة فله
الام :مو حلوه يابنتي وش تبين فيها
البنت :مالي خص ابي فله يعني فله اهئ اهئ اهئ
الام :خلاص لاتبكين اصبري خل انادي الهندي محمد يامحمد <<<<كل الهنود اللي يشتغلون اساميهم محمد
الهندي :نأم شنو يبي
الام :ابي شنطة فله
الهندي:شنطة فله مافيه كلص
الام:يابنت مافيه شنطة فله
البنت:خلاص ابي شنطه لولو كاتي
الام:طيب فيه شنطة هذي لولو كاتي مادري وش اسمها
الهندي:فيه ون دقيقه اروه اجيب واجي
المهم يشترون الشنطه ويخلصون ويروحون المكتبه جهة الدفاتر والاقلام
البنت:ماما ابي اقلام لولو كاتي ودفاتر لولو كاتي وكراس لولو كاتي وكل اغراض لولو كاتي
الام:شنو هذي لولو كاتي ساحرتكم
المهم يخلصون من اغراض المدرسه ويرجعون البيت والبنت مو مصدقه حالها من الوناسه
وكل خمس دقايق تطلع الاغراض وتشوفهم وتجلس تجرب الجزمه والمريول والاغراض كلهم
* يوم الدراسه
الام : ياالله يابنت بسرعه تعالي امشط شعرك
البنت : انزين ماما ابي شعري مفتوح وابي تحطين لي بكلات لولو كاتي
تخلص الام من تمشيط شعر بنتها وتروح البنت المدرسه
ويصفر الجرس ويجون المعلمات وينادون الاسماء بنات ثاني (أ) سارا بنت عبدالله منيره بنت فالح
المهم يخلصون الاسماء ويروحون الفصول
الا وحده جالسه وتبكي تجي المعلمه تسالها :وش فيك ؟؟ليه تبكين ؟؟
البنت :اهئ اهئ ثديقتي مو معاي في الفثل اهئ اهئ اهئ
ووحده ثانيه تبكي وتقول : اهئ اهئ اهئ
المعلمه : وش فيك حبيبتي
البنت : ابي اروح الحمام
المعلمه : وليه تبكين ؟؟ قومي روحي
وفي جهه اخرى من الفصل شلة بنات متجمعين وكل وحده فاتحه شنطتها وتفرج اغراضها لخوياتها
اللي تقول لصاحبتها شوفي شنطتي فله تجي الثانيه وتقول انا احلى شنطتي ستروبري شورت كيك
واللي تطلع دفاترها كلهم وتقول هذا حق مادة كذا وهذا حق مادة كذا واللي تطلع برابيتها ومساحتها حتى الصمغ بتطلعه
وكل شي ولا سجل الواجبات اللي كل مااخذنا درسنا رحنا للمعلمه تكتب لنا
واذ ماحلينا الواجب مايقولون لنا شي والحين لو ننسا سوال واحد من الواجب على طول اكتبوا اسمنا في مخالفات السلوك
وفي ابتدائي تسوين فوضى ومشاغبات ومااحد يقولك شي بزران والحين اقل صوت تطلعينه على طول للاداره
* وقت الفسحه
تررررررررررررررررررررررررررررررررن
هجووووووووووووووووووووووووووووووووووووووووووووم
فسحه فسحه واللي نايم يصحه <<<<انشودة الفسحه ياذيك الايام ..! لسه في بنات بالمتوسط عندنا يقولوها هههههههه
وتشوف كل وحده تمشي بشنطتها الوجبه وتفتحها وفيها ساندوش وعصير ومويه وشيبس وباسكويت
وعند المقصف مافي مكان تحطين رجلك فيه اللي توصل للشباك ياحضها
واذا اطلعوا من عند الشباك كل وحده كشتها مترين فوق راسها
وبنات اول كل شي ولابنات اول يطلعون يتفسحون بشنطتها حقت المدرسه <<<<تخاف تنسرق
واللي تبكي وتجيها المراقبه وهي معصبه : وش فيك تبكين انتي الثانيه بعد
البنت :اهئ اهئ ريالي ضاع وانا ابي اشتري
تقوم المعلمه وتدخل المقصف وتشتري لها على حسابها
المهم الفسحه خلصت والحصص خلصت وجاء وقت الطلعه
تررررررررررررررررررررررررررررررررررررررررررررررررر رررن
البنات : على البيت على البيت قالت امي ماصليت والصابونه فوق البيت <<<انشودة طلعت البيت خخخخخخخ
وهجووووووووووووووووووم على البوابه
ومامداها تنفتح البوابه الا والبنات يطلعون بالمريول الازرق والشنط الورديه والحمر والزرقا والكشش طايره من اللعب طول النهار ..
الله يعييين .. ملتووووش لعيونكم
الإهداءات
17-05-2007, 01:45 PM
رد: الابتدائي ..! وماادراك ما الابتدائي ..!؟
احلى قروب 
هههههههههههههههههههههههه
يسلموووووووووو سوسو 
العرض العادي
