قووه بنات شلووونكم مثل مافهمتوا من الموضوع انا قررت أبدا في برنامج كامل للعنايه
(بالبشره -الشعر -الجسم) قبل العيد:sm237:
يعني اللي تبي تشترك وياي ونبدا بالبرنامج ونشجع بعض تقولي وانا ابي كل وحده تدخل وتقول وش الكريمات والخلطات اللي استخدمتها وجابت نتيجه معاها وتنصحنا فيها
وايش الزيوت والتونيك اللي جربته ونفع وحل مشاكل شعرها
واذا في دايت مشت عليه ويكون حلو وسهل تحطه او اذا في شي زاد وزنها تقوله عشان نرضي الطرفين اللي تبي تمتن واللي تبي تنحف :sm240: وانا بعد 3 ايام من اليوم راح اسوي جدول واضيف فيه من تجاربكم ووصفاتكم:sm146:
اي وحده تدخل لازم تقولنا
1- حالة الشعر:sm148:
2-حالة البشره:sm217:
3-حالة الوزن:more25:
وتعلمنا شاللي تطمح انها توصله من هالبرنامج
+مثل ما قلنا تقولنا برنامجها اليوم بالعناية بنفسها اووكي بنات
بليييز:sm153: بنات ابي ردوود ومشااركاات وتفاعل ترى اذا ماشفت تفااعل كبير ابضطر احط الموضوع في منتدى ثاني لاني ابي احد يشجعني واشجعه اووكي
اتفقنا:sm1:
شعار برنامجنا مع دلوعه وحلوه كل الدلع والجماال:sm213:

انا معك يادلوعه ...
بصراحه الشعر رايح فيها ..

حبيبتي أماني مثل ماانتي شايفه مافيه تفاعل من البنات فبرسلك البرنامج برايفت بس ماقلتيلي تبين برنامج للشعر ولا تبين برنامجي اللي انا امشي عليه

حبيبتي دلوعة وانا ان شاء الله ابغى امشي معكم في النظااااام...

حبيبتي دلوعه انا معكم بس بعد خمس ايام بسافر انا بصراحه احيانا اهتم واحيانا اطنش بشرتي وشعري دمران وجسمي الحمد لله مايحتاج لاسمنه ولا نحف

اولا البشره:
1-غسل البشره بالمنظف الخاص يوميا صباحا
2-وضع الكريمات المرطبه وكريمات النهار يوميا
3-تقشير الوجه 3 مرات بالاسبوع باستخدام احد المقشرات المعروفه انا استخدمstevsبالمشمش
4-وضع الأقنعه الطينيه والماسكات الطبيعيه مثل_ قناع العسل وطريقته تحطين العسل على الوجه والرقبه اذا حبيتي وتخلينه ربع ساعه وبعدين تغسلينه بماي فاتر وتحطين زيت الزيتون ربع ساعه ثانيه وهالطريقه تورد الوجه وتصفيه
_وفي ماسك ثاني يبيض وحلو بس اللي بشرتهم تتحسس من النشويات لا يجربونه عشان لا يطلع حبوب انا عن نفسي ناسبني كثير وهو طريقته تسلقين بطاطا وعقب ماتقشرينها وتقطعينها حطيها بالخلاط وضيفي عليها ملعقة اكل حليب بودره ونص ملعقة اكل نشا واذا بشرتك دهنيه ضيفي ملعقة اكل ليمون واخلطيهم وبعدين حطيهم على الوجه والرقبه لين ماتنشف الخلطه بس مو اقل من نص ساعه وبعدين اغسلي وجهك بماي فاتر بدون صاابون ورشي ماي ورد
_وفي ماسك ثالث خطير ورهيب وهو ملعقتين اكل روب مع ملعقة سكر حطيهم على الوجه لين ماينشف الروب واغسليه بعدين وبتشوفين بشرتك وكأنك حاطه أساس
_طريقه رابعه اخذي ليمون وافركيها على وجهك وخليها ربع ساعه وعقب اغسليها وشوفي البشره شلون تتفتح
5-طبعا غير غسول البشره مهم نوع الصابون اللي تستخدمينه للبشره انا استخدمت صابونة دوف الخضرا اللي بالخيار والنعنااع روعه تعادل الدهون بالبشره بشكل خياالي وريحته منعشه وترطب جربووها حييل حلوه
6_طبعا كريمات الليل مهمه قبل النوم ولازم ماننساها اختاروا ماركه معروفه
7_وااقي الشمس مهم مهم مهم مهم قبل لا تطلعون من لبيت لازم واقي لان الشمس هي اللي تسببلكم السمار والنمش عالوجه وضروري عشان تبين نتيجة الخلطات عليكم لازم تحطون حمايه
اختاروا واقي شمس زين ومفعوله يطول لساعاات طويله لان في كريمات مفعولها بس ساعه او ساعتين
8_اول ماترجعين البيت من مشوار ولا دوام ولا سوق حتى لو مو حاطه ماكياج لازم تنظفين البشره باي منظف انا استخدم مناديل بيبي جونسون اللي بفيتامين د
وبعد الاسكينوول احبه واستخدمه بس نظفي برقه خاصة الوجه والرقبه واصابع الرجول لانها تتعرض للغبار وتسود ولا تفركين حييل عشان لا تطلعلك تجاعيد
9_بشرة الجسم
اولا المقشراات والصنفره هي اللي تبيض اكثر شي وانا كتبت عنها بموضوع ونسختلكم الوصفاات
[quote][السنفرات الطبيعيه:
1-السكر مع زيت الزيتون تخلطينهم مع بعض لين يصير الخليط متماسك وعقب ماتسبحين بالشاور جل وتتفركين عدل تنشفين جسمك وتفركينه بالسكر والزيت بشكل دائري باتجاه عقارب الساعه بس بدون تجريح وتخلينه على جسمك ربع ساعه وبعدين تغسلينه بماي فاتر بدون لوفه ولا صابون وعقب تنشفين جسمك وترطبينه بكريم مرطب والافضل يكون بيبي جونسون الوردي
2-بعد عندك الملح الخشن مع الليمون وهذا طريقته تفركين ليمونه على كامل جسمك وعقب ماينشف الليمون على جسمك تاخذين ملح خشن وتفركين جسمك فيه وتخلينه ربع ساعه وعقب تغسلينه بماي فاتر وتحطين مرطب
3-عندك حجر السفيداب (الحجر الايراني الابيض) والطريقه انك ترشين جسمك كله بماي ورد وعقب ماينشف تكونين مقطع الحجر بسكين بحيث يكون قطع صغيره جدا وتفركين فيها جسمك وتخلينها 10-15 دقيقه وتغسلينه بماي ونفس الشي ترطبين جسمك بمرطب
4-سنفرة البيكنج صودا وهذي رووعه وعشان بياض اكثر استخدميها كالتالي:
تاخذين البيكنج صودا اللي يستخدم بالطبخ بس ركزي البيكنج صودا موالبيكنج باودر
وعقب ماتخلصين الشاور والجسم يكون مبلل تاخذين الليفه اللي تكون من قماش الفوطه تحصلينها في بودي شوب وتبللينها بماي وتحطين عليها البيكنج صودا وتفركين جسمك فيها عدل وعقب تغسلين جسمك بماي فاتر يتبعه ماي بارد وتنشفين جسمك وتدهنينه بزيت اللوز الحلو مع زيت جنين القمح وتنامين وثاني يوم الصبح تعرضين جسمك للبخار مع تدليك الجسم بقشطه معصور فيها ليمونه وملعقتين جلسرين وتخلينها على جسمك نص ساعه لين تنشف
وبعدين تغسلين جسمك بماي دافي بس بدون لوفه وتنشفينه عدل وبعدين تاخذين خلطه مكونه من شعير القمح +ماي ورد تخلطينهم لين يصير شكلهم متماسك وتفركين فيها جسمك بحركات دائريه وبعدين تغسلينه بماي بارد جدا وتنهين الحمام في لوشن بيبي جونسون الوردي هالوصفه تقدرين تستخدمينها 3 مرات بالاسبوع على الاكثر
وبتشوفين البياض اللي يرضيك
5-زيت جنين القمح تقدرين تدهنين فيه كل جسمك قبل النوم وتلبسين بجامه قطنيه وتغسلينه ثاني يوم الصبح رووعه ومع الاستمرار مو بس الاسمرار يروح حتى السترتش ماركس (التشققات الناتجه من الحمل او البلوغ او السمنه) بتخف مع الوقت
6- الهرده (الطحينه) تدهنين الجسم فيها عقب الشاور وتخلينها من نص ساعه الى ساعتين وعقب تغسلينها بماي فاتر وتحطين لوشن بيبي جونسون وفي وصفه انا منزلتها فيها الهرده شيكي عليها انصحك فيها انا شخصيا استعملها
وبعد كريمات الصنفره والسكرابات اللي في بودي شوب في سكراب اسمه افريكا رووعه جربيه
وبعد فيه ملح الحليب وملح البابايا حلووووين
والحمامات المغربيه على الاقل مرة بالشهر عقب الدورة الشهريه مباشره
مع العلم ان الحمام المغربي اذا استخدم بالطريقه الصحيحه يبيض البشره جدا
/QUOTE]
10_ترطيب البشره اليومي بالكريمات المرطبه وانا افضل بيبي جونسوون لانه رووعه او حتى الزبده اللي في بودي شوب حلوه بس مايمتصها الجسم بسرعه يعني شوي دهنيه
11_اللي عندهم هالات سودا او حبوب او اسمرار الابط يدخلون هالرابط مجاوبه فيه على اسئله كثيره بهالخصوص
http://www.nua3m.com/vb/showthread.php?t=4360
12_تقشير اليدين والقدماان وفي وفه رووعه بهالرابط
http://www.nua3m.com/vb/showthread.php?t=4469
13_في مقشرات للقدم من بودي شوب حلوه انصحكم فيها تشيل الاسمرار والخشونه مااذكر اسمها بس هي معروفه اسألوهم وبيعطونكم
14_فيه مرطب روعه من كلارنس لليدين والاظافر رهيب يابناات اسمه
clarins hand and nail cream
15_خلطة حلوه للتبييض والترطيب وهذا رابطها
http://www.nua3m.com/vb/showthread.php?t=4323
هذا تقريبا برنامج البشره لازم تتبعون كل الخطوات اللي فيه باستثناء الماسكات اختاروا اللي يعجبكم ويناسبكم

1-مهم تختارون شامبو يناسب طبيعة شعركم انا استخدم kadus واشوف حتى بالصالونات يستخدمونه وهو حلو وفي انواع لكل مشاكل الشعر
2_مشااكل الشعر:
1_شعر ناشف مافيه حياة:
زيت اللوز الحلو
2_شعر قصير مايطول:
تاخذين 3 علوب فلفل حار بس اللي تكون شوي كبيره وتقطعينها وتحطينها بعلبة زجاجيه وتحطين فوقها زيت ذره عافيه او دلال او اي نوع وتحطينها بدرج بالمطبخ 10 ايام وعقب تستخدمينها ساعتين على الشعر بيطولك الشعر خلال شهر بس ملاحظه:الفلفل لازم مايكون مبلول وفيه ماي عشان لا تعفن الخلطه نشفوه زين
3_لكثافة الشعر:
زيت حبة البركه+زيت البابونج+زيت الخروع
وماننسى لازم نلبس الكااب عشان مفعول الزيت يبين ومايتعرض للهوا وبعد وانتم تحطون اي زيت على شعركم لازم تسوون مسااج خفيف 10-15 دقيقه
3_حمام الزيت::::::::
وهذا الرابط الخاص فيه
http://www.nua3m.com/vb/showthread.php?t=4432
4_التونيك المكثف للبشره وطبعا الاختيار بيكون بين ثلاثه يا اما تونيك kadus او تونيك سورسير او التونيك الماليزي الاصلي
انا kadus جربته قبل سنه ونفعني بس هالحين ابجرب سورسير لاني شفت نتايجه على صديقااتي
انتم اختاروا اللي يعجبكم وترى كلها معرووفه ومضمونه
5_اذا تحبون تاخذون فيتامينات خاصه بالشعر يكون افضل انا استخدم حبوب زيت كبد الحوت وفي انوااع كثيره غيرها
6_الرووب مفيد للشعر حاولي تاكلين روب يوميا والافضل على العشا قبل النوم عشانه يمنع ظهور الكرش بعد
7_العصااير الطبيعيه والمااي مااوصيكم فيها للبشره والشعر والصحه حاولوا تسوون نفسي تخصصون لكم قاروره ماي الحجم الكبير طبعا وتشربونها كلها على مدار اليوم والعصيرات اشربوا عصير على الغدا وثاني على العشا والفطور استغنوا عن القهوه بعصير فريش
هااا بناات البرناامج وخللص يالله ابي الاستمرارر والناتايج الحلوه ولا تنسووني من الدعاء اماااانه:sm237:

هلا دلوعه ... وينك ياشيخه والله لك فقده ... عسى ماشر ..
اشتقنالك واشتقنا لمواضيعك المميزه ..

عموما دلوعه انا باتابع معك .. 4 ايام .. 5 ايام بالكثير .. لاني مضطره اني اقطع النت بالايام الاخيره ..
تعرفين ورانا سفر ..
ومشكووره ياقلبي على هالمجهود الرائع المتميز ...
وبرنامجك مررررره حلو ... ومعلوماتك وشرحك احلى ...
يسلموووووووو ياعمري .......