هذي أحد القصص اللي ألفتها بعنوان : ( (اضحك مع سوير))
وخليتها تكون على شكل حلقات وأقدم لكم اليوم الحلقة الأولى وأتمنى تعجبكم..!


اضحك مع سوير

الأخت الصغيرة سارة تلقب بـ(سوير)..
لأنها من يوم كانت صغيرة يسمونها(سوير) ، وعمرها 7 سنوات.
المهم الحين بنجيب بعض يومياتها
وهبالها ..

--------
حلاوة غندوري :
كانت سوير مرة من المرات بتروح للبقالة ، تبـــي تشتري الحلاو المفضل عندها
حلاو(غندور) المصاص..
المهم البقالة شوي بعيدة عن بيتهم وما معها فلوس،و أمها كانت تتروش
وهي مشتهية الحلاو هذا مرة..

فكرت و فكرت: ياربي كبف اشتري غندوري. <<يا عيني على الدلع ..
وما معي فلوس ، الى أن وصلت للحل الأمثل في نظرها..

قالت: ايه شنطة أمي هي الحل الوحيد وفيها محفظة الفلوووس ..

وراحت لغرفة أمها ، والله اكبر على غرفة أمها كلها حوسة وفراش النوم طايح تحت..
ومكياجاتها أكثرها منتهية ، ما فيه إلا روج أحمر أبو خمسين سنة هو اللي ما أنتهى ! ،
وهي مستعجلة البنت لا تطلع أمها الحين وتحوسها حوس ،
وجلست تدور شنطة أمها اللي رايحة فيها مقطوعة ومخيطة من جهة ..
إلى أن لقتها فوق دولاب الملابس .هههه

قالت سوير: أخيرا لقيت البوك(المحفظة)،..
خذت من المحفظة ثلاث ريالات<<من الطمع و الشفاحة ، عشان تشتري حلاو كثير
وتخزنه عندها وتملى هالبطن منه..

وبسرعة تطلع من البيت وتروح للبقالة وهي تررركض، ولا
بعد.. مطلعة هاللسان من الشفاحة و الوناسة..

وصلت للبقالة وهي متحمسة ،إلا وتصير لها هالمفاجئة
(( البقالة مسكرة)) .. ههههه
نست الغبية أنه وقت صلاة العصر .

وهي يوم شافت البقالة مسكرة فتحت فمها من الدهشة!

قالت عقب ما سمعت الإمام يقول :"الله أكبر"
يوووه صح وقت صلاة العصر، يوه وراني غبية << بدري توها تحس !!

قالت : لازم أرجع وأسوي نفسي ألعب بسيكلي ..

ورجعت للبيت وسكرت الباب بشوييييش، ومسوية نفسها بريئة قاعدة تلعب بالسيكل ،
بين شكلها المشكلة أنها مسوية شي ، ملت من كثر ما تلعب..
قالت : يا ربييي أمي ما جت ، خلني بس أدخل داخل البيت.

ودخلت سوير داخل البيت ، وهي خاااايفة ..
أول ما دخلت البيت لقت أمها توها طالعة من الحمام،
وهي مستانسة لأن أمها ما درت عنها وجلست على الكنبة في الصالة على بالها بريئة
تقرا قصة جحا و الحمار. والله أنه طبق الأصل منها كلهم أغبياء!




دخلت أمها في غرفتها الراقية بتصلــح شعرها ، دخلت على أمها وحاطة نفسها أم البراءة ،
قالت : يمه .. وين تروحين ..؟؟لجارتنا أم عزيز ، ولا حصة الدبة..؟
قالت أمها : عيب وش دبة، لا باروح جارتنا الجديدة اسمها نوف حبوووبة مرة.

سوير: ايه يعني اسمه نوف وأبوها أسمه حبوبة وعائلتها مدري جدها اسمه مرة؟

أمها : لا يالـ.....(ما تبي تضيق صدر بنيتها ) أنا أقول أنها حبوووبة مرة
يعني وش حليلها قلبها طيب .

سوير: ايه يعني تو قلبها ما تعب..صح؟<<< أبو الدلااااخة

وتعبت الأم من كثر ما تفهمها ..
الأم: ايه صح صح طيب روحي، لازم أقعد ساعة أصلح في كشتي اقصد شعري
روحي اطلعي.

سوير: طيب يمه.

وطلعت سوير ، وطفشت وتذكرت الفلوس اللي في جيبها ،
قالـت: اييييه ، يمديني أروح الحين للبقالة و أشتري غندوري ،
وراحت سويروووه للبقالة وهي ترررركض، وأشوى صارت البقالة مفتوحة
وقالت للهندي المسكين حق البقالة: عندك حلاوة غندوري ..؟
الهندي : دندوري..!
سوير: لااا ، غندور!! صح .

ويالله يالله فهم عليها الهندي ،وعطاها 8 حبات يعني بريالين .
وهي معطيته ثلاثة ريال.
عطاها زود أربع حبات قال: خوذ يا بنت أنت أعطي أنا 3 ريال.

قالت : لا خلاص خلاص<<< غبااااء!

ورجعت للبيت وقعدت تمصص في حلاوة قبل ما تطلع أمها ،
والباقي حطته تحت الوسادة <<مكان استراتيجي .
تمصه في أيام أخرى!.
--------
وانتهت الحلقة الأولى من (اضحك مع سوير)
أتمنى أنها تعجبكم

مشكووورة على القصة
رووووووووووووووعه

شــــــــــكرا لكـ عـــلى الرد

هههههههههههههههههههههههههههههه

هالبنت عليها دلاخه

الله يعين امها عليها


مشكوووره اختي


على القصه

مـــشكورة أختي (همـــوســة)

على المرور الكريم و الرد،،

مشكووووووووووووووة
^^على القصة المضحكة^^

مشكووووووووووره
على القصه حبيبتي

يسلمووا ع القصة الحلوة و الطريفة