 |
 |
 |
|
|
|
|
إهِـداءَاتُنــا |
|
 |
|
|
|||||||
| • المنتدى العــام .. للنقاش في ج ـميع المـج ـالات العامه |
 |
|
|
أدوات الموضوع | انواع عرض الموضوع |
11-03-2007, 06:25 AM
|
رقم المشاركة : 1 | ||
|
 ** ماعرفت أربيــــكم** .
.. . في اجواء عائليه دريتي فلاان اعرس على حرمته صكها بمغربيتن تهبل احسن تستاهل هل اللي محسرتن به وشايفتن نفسها على الناس البنت:حرام عليكم لاتتشمتون فيها ..الام رمقت بنتها بنظرات  ونزلت حواجبها ثم رفعتها بسرعه معناتها اندزلعيبعد انتهاء الاجواء العائلية<<--يعني خلصت العزيمه الام:وشوله تطمرين بنص السالفه وش دخلتس مرتن ثانيه لاسمع حستس عند الحريم وش يجلستس معنا اصلا ماعرفت اربيتس . . في اجواء منزليه<<--لابو من علمتس هالكلمه  البنت طاح منها الفنجال وهي تصب القهوه الام جعلللللتس المرض وجعن يوجعتس كسرتي بيالاتنا وفناجيلنا يمه مادريت وش مادريت لاعاد تصبين قهوه ولا شاهي حسبي الله عليتس ماعرفت اسنعتس . . . برضو في اجواء منزليه<<--عطوها جوها تكفون الشاب المراهق راجع البيت متأخر الاب بكل مااوتي من قوه ياداشرتسلاب يالسربوت وينك فيه لين هالحزه؟؟ الولد:كنت في.. اوووووص ولا كلمه لعنه تلعن ساعه جبت فيها اقلب وجهك وان صيفت مرتن ثانيه لاني ابو ولاتعرفني اندزلللللللع ماعرفت اربيك يالداشر (طبعا الكلام هذا كله قدام الصغير والكبير) . . موقف.. يمه ان شاء الله اذا جبت نسبتن زينه بدخل كليه الطب  الام وقد شرقت بزنجبيل كانت تحتسيه في ايام الشتاء القارصه :وشوووو وش طبه وين تجيبين هالحتسي منه؟؟ ايه موب منتس من هالبنات الصايعات اللي تماشينهم لاعاد تجيبين هالطاري والله لو يدري ابوتس ان يلعن خيرتس ماعندنا بنات يشتغلن في مستشفيات مع رجال هذا اللي ناقص البنت ..يمه حرام والله اني شاده حيلي عشان اجيب 99% وادخل طب حرام تروح نسبتي على قسم عادي ماحبه  الام بنبره حزم:لاعمرتس تخرجتي ولاعمرتس جبتي نسبتن زينه وموب لازم كليه ولا جامعه الله يجيب الرجل اللي يضفتس قبل تفشلينا : ماعرفت اربيتس . . موقف اخر.. الاب يلقى كلمته اليوميه منذ سنوات على زوجته وعياله انا الحين اكرف واشتغل عشانكم وانتم ماغير هات نبي اشتر لنا واخرتها مايفيد فيكم وانت(مشيرا الى ولده)متى ناوي تنقشع من الثانوي شف ولد فلان باقي سنه ويتخرج من الكليه وولد فلان صار ضابط ووو سهر في الليل ونوم في النهار الللله يخلف علي بس حرمتن تسد النفس وعيال فاشلين مشاء الله على ابو فلان ومشاء الله على ولد فلان..الخ من التشكي ماعرف اربيكم . . اخر موقف.. يممممه شوفي حمودي ضربني الام:حمصصصص الله ياخذك واستريح منك ياقليل الادب تطق اخوك الصغير ياحمار .. تعال يابابا بسم الله عليك اذا جاء ابوك علمته عشان يوريه شغله .. تبي حلاو وانت يالتسلب شغلك عند ابوك ماعرفت اربيك . . . مدام اسلوبكم كذا اكيد ماراح تعرفون تربون عيالكم تحطيم الشاب يصير ماله شخصيه ولا رأي مستقل كل عمره يقارنونه بفلان وعلان يحقد عليهم وبنفس الوقت مكانك سر مافيه تقدم طيب تأخر عن البيت كذا تهزئه قدام اخوانه الكبار والصغار ماعاد بيحسبون حساب اخوهم الكبير والولد بيستمر في سهره لانه بيتعود كل يوم على هالهواش لو انه مسكه على جنب وعطاه فرصه يتكلم وفهمه وجهه نظره وسمع منه كان الولد تأدب واستحى على وجهه .. تحطيم البنت اذا كبرت قالو رفلا ماتعرف لو تصب القهوه؟؟يعني عشان طاح منها الفنجال خلاص اعفوها من كل شيء حكمو عليها بالفشل ولما تكبر تعودت انها ماتسوي شيء ذيك الساعه مايمديها تتعلم شيء تغلط مره مرتين ثلاث وبتتعلم .. البزر اذا شاف اخوه يتدلع يتخيل نفسه ضحيه ومظلوم حقد على اخوه واهله وبيستمر في الضرب لين يكبر لو ان الام من الاول عرفت شلون تصرف بموقف غيره بين عيالها كان خلتهم يحبون بعض واخلاقهم كويسه.. الاب اللي 24 يعدد محاسنه ويذم كل شيء بالبيت وعياله وان عمره ماشاف يوم حلو عياله يصيرون سلبيين ومتشائمين وماعندهم ثقه بانفسهم وتحوم تسبدوهم من هالحتسي كل يوم كل واحد فيهم همه يبعد عن البيت وعن كلام ابوهم اللي يجيب الهم.. تحطيم الطموحات والاحلام بنت تبي تصير دكتوره وقادره على هالشيء ليش تخربون عليها وياليته باسلوب زين هواش وتهديد وتقليل قيمه البنت وشطارتها بالدراسه وطموحاتها بالعكس شيء يشرف موب يفشل عشان كلام الناس ؟؟ نحط ببالنا اهداف لمجرد ارضاء الناس وسد حلوقهم؟؟ واحنا مالنا رأي ولا هدف ولا شيء نتميز فيه عن غيرنا؟؟ الناس لو حصل لهم ما وفرو . . . ياليت نتناقش بخصوص بعض تصرفات الاباء والامهات بل واخطائهم الفادحه في تربيه ابنائهم وعدم تنشأتهم تنشئه سليمه <<--مشكله اذا احد عطاها وجه وانطلدزت بالحتسي هل العيب في اهلنا وشغلهم شغل اول ؟ والا فينا والا في المجتمع اللي تعود بعضه على كذا . |
||
|
|
11-03-2007, 08:10 AM
|
رقم المشاركة : 2 | ||
|
يعطيتس العافيه يالقمر على المواقف اللي فعلا تصف حال مجتمعنا |
||
|
|
|
11-03-2007, 01:53 PM
|
رقم المشاركة : 3 | ||
|
|
سكر يعطيك العافيه |
||
|
|
|
11-03-2007, 03:52 PM
|
رقم المشاركة : 4 | ||
|
هههههههههههههههههههه قمووره يماال الستر |
||
|
|
|
11-03-2007, 05:14 PM
|
رقم المشاركة : 5 | ||
|
|
ريووووومه يامال الصلاح هههههههههههههه |
||
|
|
|
11-03-2007, 10:21 PM
|
رقم المشاركة : 6 | ||
![الصورة الرمزية [Smart Girl]](http://www.nua3m.net/vb/avatars/u4649.html?dateline=1208696106)
|
أشكــــركـ ع ـــزيزتي عــلى الموضوع .. / \ / فــإذا كان الأب أو الام دائما يحطمون أبنهم .. و يقارنونه بعيال الناس ، ويقولون:شف ولد فلان تخرج، شف ولد فلان ماخذ نسبه حلوه ..شف وشف و شف ....إلخ أكيد راح يتحطم وزيادهـ على ذلــك تتحطم نفسيته .. ويحط فكــرهـ في راسه انه مستحيل يتخرج ، وأنه غبي ..وانه ..ونه ....... *** ايــضا البنت إذا ما لقت كلمــه حلوهـ من أهلها .. وأمها ما ترفع معنوياتها .. وإذا غلطت بنتها غلطه راحت كبرت السالفة ، ولا تلقى تتشجيع من الأهل .. راح أيضا تتحطم وتتعب نفسيتها وتحس أنها أحقر البنات....الخ من التحطم... ***
وايضــا البنت و الولد ، مهمــا كان لازم يطيعون والديهم .. ولا يعصونهم .. لأن طاعة الوالدين واجبه . وأحب أذكر و أقول: ان ما في شي أهم من بر الوالدين .. / \ / تقبـــلوا تحيـــاتي وأحترامي |
||
|
|
|
11-03-2007, 10:35 PM
|
رقم المشاركة : 7 | ||
|
مشكووووووووووووووره |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
 |
 |
** ماعرفت أربيــــكم**
العرض العادي
